19:00 17.07.2006 | Все новости раздела "Объединенная Гражданская Партия"

Лідэр гомельскай АГП абскарджвае ў судзе забарону чарнобыльскага мітынгу

17:19, 17 Июля |

Сёньня ў Цэнтральным судзе Гомелю пачалі разглядаць пазоў старшыні рэгіянальнай арганізацыі Аб’яднанай грамадзянскай партыі Васіля Палякова на дзеяньні Гомельскага аблвыканкаму, які ў красавіку ня дазволіў правесьці чарнобыльскі мітынг. На думку актывіста, парушаныя ягоныя канстытуцыйныя правы і правы сябраў Аб’яднанай грамадзянскай партыі на свабоду масавых мерапрыемстваў.


У судзе прадстаўніца аблвыканкаму Ала Сусарэнка не прызнала прэтэнзіяў партыйнага актывіста. Спаслалася на тое, што Васіль Палякоў падаў няправільна аформленую заяўку. У спадара Палякова іншае меркаваньне наконт забароны грамадзкага мітынгу напярэдадні 20-й гадавіны чарнобыльскай трагедыі:

(Палякоў: ) “Рашэньне Гомельскага аблвыканкаму палітычна матываванае. Забарона была не таму, што мы нешта ня так напісалі, а таму, што ў гэтым чарнобыльскім мітынгу павінен быў узяць удзел Аляксандар Мілінкевіч”.

Да суду Васіль Палякоў, як і прадугледжана законам, абскарджваў дзеяньні Гомельскага аблвыканкаму ў Саўміне. Аднак адказ на свой ліст ён атрымаў не з ураду, а зь Міністэрства юстыцыі, якое паведаміла, што ня можа “даваць прававую ацэнку дзеяньням органаў мясцовага кіраваньня”.

Судзьдзя Сяргей Шыцікаў працягне разгляд пазову Васіля Палякова да аблвыканкаму 21 ліпеня. Чакаецца, што ў гэты ж дзень абвесьцяць рашэньне.



Источник: Объединенная Гражданская Партия

  Обсудить новость на Форуме