19:45 02.11.2008 | Все новости раздела "Объединенная Гражданская Партия"

Дзяды ў Мінску

18:37, 2 Ноября | Барыс Гарэцкі,

Ва ўрочышчы Курапаты на паўночным усходзе беларускай сталіцы адбыўся жалобны мітынг, прысвечаны памяці продкаў, які сёння адзначаецца ў Беларусі.

У мітынгу прынялі ўдзел каля 1.500 чалавек. Гэта тыя, хто рушыў калонамі ад Гадзіннікавага заводу і сталічных Усходніх могілак. Падчас мітынгу ў Курапатах выступілі намеснік старшыні КХП-БНФ «Адраджэнне» Юрась Беленькі, а таксама ягоны намеснік Валеры Буйвал, які зачытаў ліст ад старшыні КХП-БНФ «Адраджэнне» Зянона Пазьняка. У часе мерапрыемства ўдзельнікі акцыі асудзілі сталінскія рэпрэсіі, якія адбываліся ў канцы 30-х гадоў мінулага стагодззя, і заклікалі пільна трымацца нацыянальных каштоўнасцей дзеля таго, каб гісторыя мінулага стагодззя не паўтарылася ў будучыні. Апроч гэтага, удзельнікі жалобнага мітынгу ў часе акцыі ўсталявалі ў Курапатскім урочышчы некалькі дзесяткаў крыжоў.

Адносна сілавых органаў, то некалькі дзесяткаў прадстаўнікоў міліцыі і КДБ у цывільнім прысутнічалі ва ўрочышчы, аднак ніякіх перашкодаў, ніякага ўплыву яны на ўдзельнікаў мерапрыемства не рабілі, толькі фільмавалі і фатаграфавалі ўсё, што адбывалася.



Источник: Объединенная Гражданская Партия

  Обсудить новость на Форуме