19:15 15.07.2008 | Все новости раздела "Объединенная Гражданская Партия"

Парсюкевiча запiсалi ў БНФ

17:04, 15 Июля |

Сяргей Парсюкевiч, якога трымаюць у Шклоўскай калонii, атрымаў магчымасць зрабiць дамоў тэлефонны званок. Палiтвязень паведамiў, што стаўленне да яго з боку адмiнiстрацыi змянiлася – спынiлiся нечаканыя вобыскі i праверкi, якiя штодня праводзiлi ахоўнiкi. Гэта Сяргей Парсюкевiч звязвае са сваёй заявай пра перавод у Мiнскую калонiю.

"Магчыма, ад мяне адчапiлiся, бо прынята рашэнне пра перавод", – мяркуе палiтвязень. Ягоная жонка Наталля распавяла пра яшчэ адну цiкавую падрабязнасць:

"На картачцы вязня ў яго напiсана: "Асобы кантроль. БНФ". Ён здзiвiўся, сказаў, што нiколi ў БНФ не быў i нiкога з гэтай арганiзацыi не ведае. А мiлiцыянты ў яго запыталiся: "А чаго вы глядзелi туды, куды не трэба глядзець?"

Нагадаем, вiцебскi прадпрымальнiк Сяргей Парсюкевiч быў асуджаны на 2,5 года зняволення пасля мiтынгу прадпрымальнiкаў, якi прайшоў 10 студзеня ў Мiнску. Суд прызнаў яго вiнаватым у збiццi мiлiцыянта, мiж тым Сяргей Парсюкевiч казаў, што насамрэч збiлi яго. Як кажа жонка прадпрымальнiка Наталля, Сяргей Парсюкевiч нiколi не быў сябрам нiводнай палiтычнай партыi.

За час знаходжання ў калонii ён ужо страцiў 20 кiлаграмаў вагi.

Ссылки по теме: