21:30 20.06.2008 | Все новости раздела "Объединенная Гражданская Партия"

Беларускія журналісты затрымалі злодзея

19:27, 20 Июня | Сяргей Будкін,

Незвычайны інцыдэнт адбыўся ўчора ў Кіеве. Некалікі беларускіх журналістаў, што прыехалі на семінар у сталіцу Украіны, затрымалі злодзея, які скраў гаманец у іх калегі – кіраўніка інфармацыйнага агентцтва БелаПАН Алеся Ліпая. У пагоні за злодзеям узялі ўдзел рэдактары газет “Салідарнасць” і “Наша ніва” Аляксандр Старыкевіч і Андрэй Дынько.

Затрыманага адважныя беларускія журналісты перадалі ў рукі супрацоўнікаў аховы парадку. Пазней скрадзены кашэль Алесю Ліпаю вярнулі, але грошай, на жаль, у ім не было.

Цікава, што напярэдадні там жа ў Кіеве скралі гаманцы ў Віталя Тараса і Хрыстафора Жаляпава. А паўгода таму ахвярай кіеўскіх махляроў стаў вядомы беларускі журналіст Аляксандр Класкоўскі.

Таму айчыннай творчай інтэллігенцыі трэба быць больш пільнай.



Источник: Объединенная Гражданская Партия

  Обсудить новость на Форуме