19:15 30.04.2008 | Все новости раздела "Объединенная Гражданская Партия"

Лябедзька: Улада імкнецца ўздзейнічаць на незалежную інфармацыйную прастору

17:54, 30 Апреля |

“У Беларусі з’явіўся першы прэцэдэнт, звязаны з інфармацыйнымі інтэрнет-рэсурамі”, — заявіў лідэр Аб’яднанай грамадзянскай партыі Анатоль Лябедзька на прэсавай канферэнцыі ў штабкватэры партыі.

Паводле кіраўніка АГП, “палітычным, а не юрыдычным” было судовае рашэнне, звязанае з веб-сайтам , які змясціў артыкул “Сям’я” робіць бізнес пад надзейным дахам дзяржавы”, дзе згадваецца “сямейны бізнес” розных чыноўнікаў, у прыватнасці старшыні Федэрацыі прафсаюзаў Беларусі Леаніда Козіка. Да судовай адказнасці за абразу дзелавой рэпутацыі яго сына, Андрэя Козіка, кіраўніка юрыдычнай групы “Аргумент”, была прыцягнута АГП, прыхільнікі якой стварылі сайт .

Аднак партыя не з’яўляецца ўладальнікам гэтага сайта і не павінна адказваць за змешчаныя там матэрыялы. “Мы разглядаем яго як незалежны інфармацыйны рэсурс, у якім змяшчаецца невялікая доля інфармацыі пра дзейнасць партыі”, — сказаў А.Лябедзька, які патлумачыў узнікшую сітуацыю імкненнем дзяржавы “знайсці рычагі ўздзеяння на інфармацыйную прастору”.

Разам з тым кіраўнік АГП заявіў, што суддзі, якія выносяць палітычна матываваныя рашэнні па грамадзянскіх справах, мусяць быць пакараныя: “Апошнія падзеі даюць прававыя, палітычныя, маральныя падставы складаць спісы суддзяў, што вынеслі палітычна матываваныя прысуды Кіму, Парсюкевічу, астатнім фігурантам па “справе 14-ці”, і дамагацца ўвядзення супраць гэтых суддзяў адпаведных кропкавых санкцый”.

Інфармацыйны цэнтр АДС



Источник: Объединенная Гражданская Партия

  Обсудить новость на Форуме