13:45 16.10.2009 | Все новости раздела "Объединенная Гражданская Партия"

Затрыманне напярэдадні акцыі Cалідарнасці

Актывіста кампаніі Еўрапейская Беларусь Максіма Вінярскага арыштавалі на двое сутак. Яго абвінавацілі ва ўдзеле ў несанкцыянаванай акцыі і ізалявалі, каб хлопец не патрапіў на сённяшнюю акцыю Cалідарнасці.

Мінулую і наступную ноч актывіст грамадзянскай кампаніі Еўрапейская Беларусь Максім Вінярскі правядзе за кратамі – учора ўвечары яго затрымалі каля станцыі метро Маладзёжная, калі ён раздаваў мінакам інфармацыйныя ўлёткі з заклікам вызвалення палітвязняў.

- Учора ўвесь дзень у розных месцах Менску, а таксама ў рэгіёнах нашыя актывісты раздавалі інфармацыйныя матэрыялы аб існаванні ў Беларусі людзей, што знаходзяцца за кратамі за свае палітычны погляды – палітычных зняволеных. За гэта ўвечары быў затрыманы Максім Вінярскі, якога адразу ж завезлі ў суд і арыштавалі, – распавёў  Радыё Рацыя каардынатар грамадзянскай кампаніі Еўрапейская Беларусь Яўген Афнагель.

Яўген Афнагель таксама адзначыў, што, відавочна, арышт моладзевага актывіста звязаны з сённяшняй акцыяй Салідарнасці з палітычнымі зняволенымі і сем’ямі зніклых, што мае распачацца а 18-й гадзіне на Кастрычніцкай плошчы ў Менску.

Источник: Объединенная Гражданская Партия

  Обсудить новость на Форуме