18:31 22.07.2009 | Все новости раздела "Объединенная Гражданская Партия"

У Мінску аб'ядналіся даследчыкі злачынстваў камунізму

У Мінску створаная Кардынацыйная рада ініцыятываў па даследаванні злачынстваў камунізму і ўшанаванні памяці ахвяраў таталітарызму.

Як паведамляе БелаПАН, у раду ўвайшлі ініцыятывы "Пакаянне" аргкамітэта па стварэнні партыі "Беларуская хрысціянская дэмакратыя" і "Інстытут нацыянальнай памяці", беларускія прадстаўнікі міжнароднага гісторыка-асветніцкага, дабрачыннага і праваабарончага таварыства "Мемарыял" (Расія), міжнароднае моладзевае аб’яднанне "Малады фронт" (Чэхія), грамадскія аб’яднанні "Беларуская нацыянальная памяць" (Польшча) і "Беларуская жаночая ліга" ды іншыя.

Як заяўляюць арганізатары, рада ствараецца для каардынацыі дзеянняў грамадска-палітычных структур і спецыялістаў, абмену інфармацыяй, пераадолення раз’яднанасці і замкнёнасці ў працы, аб’яднання высілкаў па захаванні ў беларускім грамадстве памяці пра камуністычныя рэпрэсіі, пакаяння за вольны або міжвольны ўдзел у злачынствах таталітарызму і яго асуджэнне.

Беларускія і замежныя навіны па тэме рэпрэсій, бібліятэку з успамінамі былых ахвяраў таталітарызму і даследаваннямі гісторыкаў, фотаархіў можна пабачыць на сайце represii-by.info.

Источник: Объединенная Гражданская Партия

  Обсудить новость на Форуме