17:15 24.04.2009 | Все новости раздела "Объединенная Гражданская Партия"

У Карме скралі вянкі ахвярам Чарнобылю

Сёньня беларускія апазыцыйныя палітыкі Сяргей Калякін, Анатоль Лябедзька і Анатоль Ляўковіч наведваюць Гомельшчыну. У першай палове дня ў райцэнтры Карма яны ўсклалі кветкі і вянкі да мэмарыялу адселеным вёскам. На вянках была чорная стужка з надпісам “Памятаем Чарнобыль”.

“Акцыя была ўрачыстая і шматлюдная”, — паведаміў зь месца падзеі карэспандэнт“Свабоды” Казімер Яноўскі. І ён жа праз паўгадзіны заявіў аб прапажы вянкоў ахвярам Чарнобылю, ускладзеных лідэрамі АДС.

“Пакуль спадары Калякін, Лябедзька і Ляўковіч гутарылі зь людзьмі, раздавалі ім газэты “Народная воля” і “Товарищ”, нехта невядомы скраў з мэмарыялу вянкі. Госьці зь Менску мусілі зьвярнуцца ў Кармянскі райвыканкам і мясцовы РАУС , напісаць адпаведную заяву”, — паведаміў Казімер Яноўскі.

І толькі што “Свабода” атрымала паведамленьне: вянкі вярнулі на месца супрацоўнікі мясцовай жыльлёва-камунальнай гаспадаркі. Зроблена гэта было пасьля таго, як да пошуку далучыўся старшыня Кармянскагарайвыканкаму Васіль Яцэвіч.

Источник: Объединенная Гражданская Партия

  Обсудить новость на Форуме