20:16 01.10.2009 | Все новости раздела "Объединенная Гражданская Партия"

У ЕГУ пачаўся новы навучальны год

Гэта ўжо пяты навучальны год ад моманту пераезду універсітэта з Менска ў Вільню. ЕГУ адчыняе свае дзверы каля 600 новым студэнтам бакалаўрскіх праграм, 173 з іх будуць вучыцца на дзённым аддзялянні ў Вільні, астатнія першакурснікі – у віртуальных аўдыторыях завочнага дыстанцыйнага навучання.

Чакаецца, што ўрачыстую цырымонію сёння наведае міністр адукацыі і навукі Літвы Гінтарас Сцяпанавічус. Прывітаць першакурснікаў прыедуць таксама іншыя прадстаўнікі афіцыйных структур Літвы, дыпмісій краін Еўразвяза і ЗША, міжнародных арганізацый.

Першы тыдзень навучання ў ЕГУ з’яўляецца адаптацыйнным, скіраваны на знаёмства студэнтаў з універсітэтам, увядзенне іх у навучальны працэс, адаптацыю да жыцця ў Вільні, а для завочнікаў - у праграме Moodle.

Нагадаем, Створаны ў 1992 годзе ў Менску Еўрапейскі гуманітраны універсітэт у 2004 годзе быў вымушаны спыніць сваю дзейнасць у Беларусі. Дзякуючы палітычнай, арганізацыйнай і фінансавай падтрымцы літоўскага ўрада, Еўрапейскай камісіі, а таксама ўрадаў, грамадскіх аб’яднанняў і фондаў ЗША і краін Еўразвяза, універсітэт здолеo аднавіць сваю дзейнасць у Літве. Увосень 2005 года ЕГУ распачаў рэалізацыю праграм бакалаўрскай і магістарскай падрыхтоўкі для студэнтаў з Беларусі. У лютым 2006 года ўрад Літвы надаў ЕГУ статус літоўскага універсітэта.

Источник: Объединенная Гражданская Партия

  Обсудить новость на Форуме