17:30 02.07.2010 | Все новости раздела "Объединенная Гражданская Партия"

У Балгарыі затрымалі грамадзян Беларусі

У Балгарыі затрыманыя грамадзяне Беларусі - Аляксандр Міхайлоўскі і Аляксей Латыш, якія маюць статус палітычных уцекачоў у Польшчы і знаходзяцца пад юрыдычнай аховай польскай дзяржавы.

Затрыманне адбылося на падставе таго, што Міхайлоўскі і Латыш абвешаныя ў міжнародны вышук. Цяпер гэтай справай займаецца консул польскага пасольства ў Балгарыі Войцех Галонзка:

- Я знаходжуся ў кантакце з Генеральнай пракуратурай, таксама з Упраўленнем па справах уцекачоў, безумоўна, з МЗС і іншымі ўстановамі. Сёння павінна адбыцца пасяджэнне суда, на якім будзе вырашана, ці затрыманне будзе працягнутае да 40 дзён, ці не. Я спадзяюся, што Міхайлоўскага суд вызваліць, не працягне яму арышт. Але ў выпадку Латыша арышт ужо працягнуты, і суд вырашыць на працягу гэтых 40 дзён, што рабіць далей.

Да 2008-га года Аляксандр Міхайлоўскі займаўся бізнесам у Беларусі і падтрымліваў дэмакратычную апазіцыю. У выніку ціску з боку дзяржаўных устаноў збег ва Украіну, затым у Польшчу, дзе і атрымаў статус палітычнага ўцекача.

Источник: Объединенная Гражданская Партия

  Обсудить новость на Форуме