18:15 21.03.2012 | Все новости раздела "Объединенная Гражданская Партия"

Сябры АГП наведалі маці Юрыя Захаранкі

ur_zaharanka21 сакавіка лідэр Аб'яднанай грамадзянскай партыі Анатоль Лябедзька, кіраўніца «Праваабарончага альянсу» Людміла Гразнова і прэс-сакратарка АГП Ганна Красуліна наведалі мястэчка Васілевічы, дзе жыве маці Юрыя Захаранкі Ульяна Рыгораўна.

Сайт ucpb.org трымае з імі сувязь па тэлефоне.

“Зараз у нас вельмі цёплая сардэчная сустрэча, нягледзячы на тое, што маці Юрася ў апошні час шмат хварэе, - распавёў Анатоль Лябедзька. - Тым не менш, трымаецца бадзёра, расказвае пра сваё жыццё, успамінае Юрася. Гаворыць, што ноччу адзіная праблема – не можа добра спаць: “заўсёды ў вачах мой Юра, і па сённяшні дзень чакаю, што скрыпнуць палавіцы, адчыняцца дзверы, і ён увойдзе ў хату”.

Колькі гадоў прайшло, а сэрца маці баліць, і яна хоча бачыць свайго сына. Негледзячы на ўзрост, яна цікавіцца навінамі, і было прыемна пачуць, што сёе-тое ведае і з нашага палітычнага жыцця, адсочвала падзеі прэзідэнцкай кампаніі. Так што, трымае руку на пульсе грамадскага жыцця.

Мы прыехалі падтрымаць яе ўжывую, дапамагчы, чым можам, і бачым, што для яе гэта важна, неабходна. Яна кажа, што зараз у Беларусі ёсць яшчэ родзічы ў Васілевічах, але многія, самыя блізкія і родныя, з’ехалі”.

Источник: Объединенная Гражданская Партия

  Обсудить новость на Форуме