18:15 03.05.2010 | Все новости раздела "Объединенная Гражданская Партия"

«Рэпарцёры без межаў»: узламванне перапіскі журналістаў пагражае крыніцам інфармацыі

Міжнародная арганізацыя «Рэпарцёры без межаў» асудзіла рашэнне следчых вывучаць асабістую электронную перапіску шэрагу беларускіх журналістаў — у прыватнасці, Наталлі Радзінай, Святланы Калінкінай, Марыны Коктыш і Ірыны Халіп, камп’ютэры якіх забралі ў часе ператрусаў 16 сакавіка.

Пра гэта гаворыцца ў адмысловай заяве, размешчанай на сайце арганізацыі.

«Мы патрабуем тэрміновага вяртання абсталявання, забранага ў журналістаў, — заявілі „Рэпарцёры“. — Доступ да іх электроннай пошты і імгненнай перапіскі — сур’ёзнае ўмяшальніцтва як у іх прафесійную камунікацыю, так і ў прыватнае жыццё. Гэта пагражае крыніцам інфармацыі журналістаў, якія справядліва бачаць у гэтым чарговую спробу запалохаць іх».

«Улады ўзмацняюць ціск на незалежных журналістаў з набліжэннем выбараў наступнага года», — лічыць міжнародная арганізацыя.

«Інтэрнет-сайт Charter.97 усё часцей робіцца мішэнню для ўладаў з часу падпісання рэпрэсіўнага дэкрэту (указ прэзідэнта № 60 „Аб захадах па ўдасканаленні выкарыстання нацыянальнага сегменту сеткі Інтэрнет“ ад 01.02.2010 — заўв. БАЖ), нацэленага на ўзмацненне кантролю над Інтэрнетам — апошнім бастыёнам свабоды…, — гаворыцца ў заяве „Рэпарцёраў“. — Гэтае расследаванне — толькі нагода для таго, каб даведацца больш пра людзей, якія працуюць над сайтам, і прыняць захады супраць іх».

Источник: Объединенная Гражданская Партия

  Обсудить новость на Форуме