15:46 11.02.2010 | Все новости раздела "Объединенная Гражданская Партия"

Польскі амбасадар вярнуўся ў Мінск толькі на адзін дзень

Як распавёў Еўрарадыё сам дыпламат, ужо заўтра ён возьме ўдзел у сустрэчы Мартынава і Сікорскага ў Варшаве

Амбасадар Польшчы ў Беларусі Генрык Літвін вярнуўся з Варшавы. Нагадаем, Польшча адклікала свайго амбасадара з Мінску адразу ж пасля захопу міліцыянтамі Дому польскага ў Івянцы. Аднак ужо заўтра, 12 лютага, Генрык Літвін вернецца ў польскую сталіцу.

Як патлумачыў амбасадар у гутарцы з Еўрарадыё, ён мае намер удзельнічаць у сустрэчы міністраў Сяргея Мартынава і Радаслава Сікорскага. Дакладнай даты чарговага вяртання з Варшавы ён пакуль што акрэсліць не здолеў.

Генрык Літвін: “Я быў выкліканы на кансультацыі і ўдзельнічаў у іх, а затым вярнуўся да сваёй працы, паколькі сітуацыя гэтага патрабуе. І ўжо выконваў свае абавязкі на тэрыторыі Беларусі. Будзе заўтра размова міністраў – яна нам дасць пэўную інфармацыю пра тое, як выглядае сітуацыя. І абодва амбасадары ў такіх сустрэчах заўсёды ўдзельнічаюць. Яшчэ не ведаю дакладна, як там будзе, але, у кожным выпадку, на наступным тыдні, мяркую, ужо буду ў Мінску”.

Источник: Объединенная Гражданская Партия

  Обсудить новость на Форуме