14:45 16.07.2010 | Все новости раздела "Объединенная Гражданская Партия"

Палітыкі, праваабаронцы і журналісты дамовіліся аб супрацы

Учора ў гатэлі “Еўропа” адбыўся круглы стол, удзел у якім прынялі апазіцыйныя палітыкі, прадстаўнікі незалежнай прэсы і праваабаронцы. Падводзячы вынікі гэтай сустрэчы, лідэр Аб’яднанай грамадзянскай партыі Анатоль Лябедзька адзначыў, што галоўным вынікам сустрэчы стала прынятае яе удзельнікамі рашэнне аб стварэнні рабочай групы з прадстаўнікоў палітычнай, праваабарончай і журналісцкай супольнасцяў.

 “Галоўны вынік круглага стала ў тым, што было прынятае рашэнне аб стварэнні рабочай групы з прадстаўнікоў трох супольнасцяў: палітычнай, праваабарончай і журналісцкай, - паведаміў у інтэрв’ю нашаму сайту Анатоль Лябедзька. - Рабочая група будзе працаваць  на сталай (рэгулярнай) аснове і яе прыярытэтам будзе  выпрацоўка плана канкрэтных дзеянняў у сферы масмедыя. Па-другое, рабочая група зоймецца выпрацоўкай дакумента, які б ўтрымліваў агульную ацэнку сітуацыі ў масмедыя і агульныя падыходы да таго, што трэба рабіць. Зноў жа, уключаючы і палітыкаў, і журналістаў, і праваабаронцаў”.

Источник: Объединенная Гражданская Партия

  Обсудить новость на Форуме