14:01 18.05.2010 | Все новости раздела "Объединенная Гражданская Партия"

Палітрада АГП выказвае катэгарычны пратэст супраць гвалтоўных захадаў сілавых структур

Сёння супрацоўнікамі сілавых структур здзейсненыя татальныя затрыманні і вобыскі на кватэрах сябраў Аб’яднанай грамадзянскай партыі Юрыя Фабішэўскага, Аляксандры Васілевіч, Дзмітрыя Бандарчука, Віталя Гуляка.

З гэтай нагоды Палітрада АГП зрабіла заяву, у якой выказвае катэгарычны пратэст супраць гвалтоўных захадаў сілавых структур у адносінах да сябраў АГП.

Палітрада Аб’яднанай грамадзянскай партыі патрабуе ад прадстаўнікоў сілавых структур тлумачэнняў і звяртаецца да міжнароднай супольнасці з заклікам салідарнасці з затрыманымі сябрамі АГП і з усімі, хто сёння трапіў пад гвалтоўныя захады уладаў.

У заяве падкрэсліваецца, што падобныя крокі ўладаў відавочна звязаныя з прэзідэнцкай кампаніяй; адзначаецца, што ўлада можа кантраляваць сітуацыю толькі брутальнымі сілавымі метадамі, і тое, што адбываецца, сведчыць, што Лукашэнка не ўпэўнены ні ў сабе, ні ў тым, што ён зможа кантраляваць сітуацыю перад прэзідэнцкай кампаніяй.

Источник: Объединенная Гражданская Партия

  Обсудить новость на Форуме