18:00 17.04.2010 | Все новости раздела "Объединенная Гражданская Партия"

Нацыянальны камітэт АГП піша беларускую дыктоўку

17 красавіка падчас пасяджэння сходу Нацкаму Аб’яднанай грамадзянскай партыі ў гатэлі “Еўропа” прайшла беларуская дыктоўка, у якой прынялі ўдзел 30 сяброў Нацкаму на чале са Старшынёй АГП Анатолем Лябедзькам і яго намеснікамі.  Дыктоўка была падрыхтаваная паводле апавядання Уладзіміра Караткевіча “Родная мова”, а правяла яе Народная артыстка Рэспублікі Беларусь Зінаіда Бандарэнка.

“Гэта не толькі важная сама па сабе справа,  яна – сімвалічная, – упэўны старшыня камітэта АГП па палітычных пытаннях Аляксандр Дабравольскі. – Наш удзел у дыктоўцы гаворыць пра тое, што мы шануем і паважаем сваю мову. Я думаю, што нават тыя людзі, якія раней не надавілі належнай увагі мове, усё ж павінны прызвычайвацца да таго, што яны мусяць ведаць беларускую мову.  Бо ніякай нацыянальнай свядомасці, ніякай нацыянальнай культуры не можа быць без мовы.  Я вітаю сённяшнюю акцыю, і спадзяюся, што і надалей у АГП будзе падтрымлівацца беларуская мова”.   

“Была такая атмасфера, што мы ўсе разам аб’ядналіся вакол мовы, – падзялілася сваімі ўражаннямі старшыня камісіі па арганізацыйна-масавай рабоце Вялянціна Палевікова. – І тое, што Зінаіда Бандарэнка падабрала вельмі добры тэкст, таксама нас аб’ядноўвала і надавала падзеі асобую атмасферу. Мне здаецца, што сённяшняя дыктоўка – гэта пачатак, пачатак аб’яднання вакол мовы”.

Источник: Объединенная Гражданская Партия

  Обсудить новость на Форуме