00:31 02.09.2009 | Все новости раздела "Объединенная Гражданская Партия"

“Маладая Беларусь” павіншавала школьнікаў

1 верасня актывісты руху “Маладая Беларусь” павіншавалі ў Менску школьнікаў з пачаткам новага навучальнага году.

Маладыя людзі правялі масавую раздачу паштовак для навучэнцаў 10 школ, а таксама каледжу і ліцэя, паведаміла прэс-служба руху “Маладая Беларусь”. Гэта адбывалася на вуліцы Ангарскай, у Чыжоўцы, Лошыцы і Курасоўшчыне. Паштоўкі змяшчалі віншавальны тэкст і заклік да павагі і выкарыстання беларускай мовы. “Таму што ў Менску толькі тры беларускамоўныя школы, а навучанне на роднай мове практычна не выкарыстоўваецца”, — адзначылі моладзевыя актывісты.

“Рэакцыя вучняў была вельмі пазітыўная, — сказалі яны. — Застаецца спадзявацца, што гэта акцыя прынясе станоўчы вынік. Падчас яе правядзення ні адзін з удзельнікаў не быў затрыманы”.

Фотографии: