16:03 25.06.2010 | Все новости раздела "Объединенная Гражданская Партия"

"Магілёў" адмовіў арганізатарам IV Сацыяльнага форуму

Гатэль "Магілёў" адмовіў арганізатарам IV Сацыяльнага форуму ў памяшканьні, хаця, як сьцвярджае дырэктар Дабрачыннага фонду "Шчырасьць" Ігар Каваленка, папярэдняя дамоўленасьць на арэнду была.

Раніцай арганізатарам Сацыяльнага форуму адмовілі ў арэндзе памяшканьня ў гатэльным комплексе "Крыніца", што пад Магілёвам. Цяпер форум зьбіраюцца правесьці ў грамадзкім цэнтры "Кола".

У сваім камэнтары дырэктар дабрачыннага фонду Ігар Каваленка паведаміў, што сытуацыя з адмовай ў памяшканьні сёньня будзе разглядацца ў парлямэнце Даніі. Справа ў тым, што гэтая краіна шчыльна супрацоўнічае з Магілёвам у сацыяльных пытаньнях. Як сказаў спадар Каваленка, дацкія парлямэнтары дапускаюць, што апазыцыі могуць адмаўляць у памяшканьнях дзеля правядзеньні палітычных мерапрыемстваў, але ў выпадку зь няўрадавымі грамадзкімі арганізацыямі такое недапушчальна.

Источник: Объединенная Гражданская Партия

  Обсудить новость на Форуме