16:30 29.09.2009 | Все новости раздела "Объединенная Гражданская Партия"

Лідэры беларускай апазіцыі сустрэліся з амбасадарамі краінаў Еўрасаюза

Палітыкі і дыпламаты абмяняліся думкамі наконт сітуацыі ў Беларусі і прагноза яе развіцця.

Гэтая сустрэча вельмі важная з пункту гледжання таго, што 16 лістапада Еўразвяз і ЗША будуць абмяркоўваць  пытанне аб прадленні візавых санкцыяў супраць беларускіх чыноўнікаў. Таму дыпламатаў вельмі цікавілі пытанні пра тое, якім чынам змянілася сітуацыя ў краіне за паўгады. Са свайго боку прадстаўнікі апазіцыі выказалі свае думкі на гэты конт.

Гаворыць старшыня Аб’яднанай грамадзянскай партыі Анатоль Лябедзька:

- Першы наш месэдж – за апошні год мы маем нулявы прагрэс па тых чатырох кошыках, якія мы вызначылі як лакмусавыя для вызначэння сітуацыі. І гэта азначае, што 16 лістапада ў Еўрапейскага Саюза не будзе ніякіх падстаў, каб здымаць візавыя санкцыі ў адносінах да чыноўнікаў. Гэта азначае, што хутчэй ўсяго трэба пралангіраваць папярэдняе рашэнне. Але пры гэтым больш ясна сфакусіраваць, што павінна быць зроблена ўладамі цягам гэтага тэрміна, і ў залежнасці ад прагрэсу па канкрэтным пунктах плану прымаць канчатковае рашэнне.  

Паводле палітыка, адказы еўрадыпламатаў на пытанні апазіцыянераў вырашана пакінуць у таямніцы. Вядома толькі, што ўдзел у сустрэчы прынялі Аляксандр Мілінкевіч, Аляксандр Казулін, Аляксей Янукевіч, Сяргей Калякін, Анатоль Ляўковіч, Павал Севярынец, Яўген Афнагель і Зміцер  Дашкевіч.

Источник: Объединенная Гражданская Партия

  Обсудить новость на Форуме