07:15 02.08.2008 | Все новости раздела "Белорусская социал-демократическая партия (Грамада)"

АДС РАСЦЭНЬВАЮЦЬ ВЫНІКІ РЭГІСТРАЦЫІ ІНІЦЫЯТЫЎНЫХ ГРУП "ЯК ЛІБЕРАЛЬНЫЯ"

Аб'яднаныя дэмакратычныя сілы (АДС) расцэньваюць "як ліберальныя" вынікі рэгістрацыі ініцыятыўных груп па вылучэнні кандыдатаў у дэпутаты. Пра гэта 1 жніўня на прэс-канферэнцыі ў Мінску заявіў лідэр Партыі камуністаў Беларускай Сяргей Калякін.
    Разам з тым ён зазначыў, што "былі і выключэнні". У прыватнасці, назіраліся "абуральныя факты парушэння права грамадзян выбірацца". С.Калякін паведаміў, што ініцыятыўныя групы спрабавалі зарэгістраваць 103 прэтэндэнты з адзінага спісу АДС, Зарэгістравана 100 ініцыятыўных груп (23,7% усіх зарэгістраваных). У іх працуюць больш за тры тысячы чалавек.
    - Цяпер ініцыятыўныя групы актыўна збіраюць подпісы. Шэсць ініцыятыўных груп ужо сабралі іх больш за тысячу. У цэлым у падтрымку кандыдатаў ад АДС сабрана больш як 50 тысяч подпісаў, - сказаў палітык.
    Выканаўца абавязкаў старшыні Беларускай сацыял-дэмакратычнай партыі (Грамада) Анатоль Ляўковіч задаволены вынікамі рэгістрацыі ініцыятыўных груп. Паводле яго слоў, улады навувыліся працаваць на выбарах "не сякерай, а больш тонка". Палітык лічыць, што гэта звязана з жаданнем легітымізаваць вынікі парламенцкіх выбараў.           БелаПАН



Источник: Белорусская социал-демократическая партия (Грамада)

  Обсудить новость на Форуме