18:45 25.07.2008 | Все новости раздела "Белорусская социал-демократическая партия (Грамада)"

САЛІГОРСК: НА ПАТЭНЦЫЙНЫХ СЯБРАЎ ІНІЦЫЯТЫЎНЫХ ГРУПАЎ АКАЗВАЕЦЦА ЦІСК

   Назіральніку па Слуцкай выбарчай акрузе №74 Віталю Амяльковічу стала вядома, што падчас стварэньня ініцыятыўнай групы аднаго з прэтэндэнтаў у кандыдаты ў дэпутаты Палаты прадстаўнікоў Нацыянальнага сходу Рэспублікі Беларусь Анатоля Юрэвіча, сябра БСДП (Грамада), на яе магчымых чальцоў аказваўся ціск. Мэтай ціску было жаданне не дапусціць удзелу асобных грамадзян у працы ініцыятыўнай групы А. Юрэвіча.
    Так, супрацоўніка Слуцкага краязнаўчага музея Васіля Васільевіча Цішкевіча папярэдзілі, што ў выпадку яго ўключэньня ў склад ініцыятыўнай групы А. Юрэвіча, высокая верагоднасьць таго, што ў далейшым з ім не працягнуць кантракт па месцы працы. Дадзенае папярэджаньне зыходзіла ад намесьніка старшыні Слуцкага райвыканкама Пятра Барысавіча Даўгучыца.
    Падобнае папярэджаньне ад аднаго са сваіх кіраўнікоў атрымала і жыхарка г. Слуцку, намесьнік галоўнага лекара радзільнага дома ў г. Салігорску Сьвятлана Аляксандраўна Трафімава.
    “Праваабаронцы за свабодныя выбары”
    25.07.2008.   



Источник: Белорусская социал-демократическая партия (Грамада)

  Обсудить новость на Форуме