14:00 24.07.2008 | Все новости раздела "Белорусская социал-демократическая партия (Грамада)"

У хаце смаргонскай актывісткі БСДП (Грамады) Ірыны Вештард невядомыя пабілі шыбы

Ірына Вештарт кажа, што сёньня прыкладна а палове на другую яна прачнулая ад звону шкла.

У шыбы, паводле словаў Ірыны Вештард, патрапілі два невялікія камяні. Гаспадыня кватэры ўпэўнена, што гэта рабілася некім мэтанакіравана, паколькі яе кватэра знаходзіцца на трэцім паверху дзевяціпавярховага дома й выпадкова сярод ночы туды ніхто камянёў ня кідае.

23 ліпеня невядомыя сапсавалі ў кватэры Ірыны Вештард замок у дзьвярах, а днём раней – размалявалі чорнай фарбай уваходныя дзьверы. Спадарыня Вештард лічыць, што яе хочуць запалохаць, каб яна адмовілася ад удзелу ў выбарчай кампаніі.

Міліцыянтам, якія прыехалі ўначы, яна заявіла, што ніхто і ніякім чынам не прымусіць яе адмовіцца ад удзелу ў выбарчай кампаніі.

    24.07.2008 10:28 Міхал Карневіч 

   



Источник: Белорусская социал-демократическая партия (Грамада)

  Обсудить новость на Форуме