10:45 31.10.2011 | Все новости раздела "Белорусская социал-демократическая партия (Грамада)"

У Бабруйску сябра БСДП Станіслава Кавалеўскага папярэджвала міліцыя

29 кастрычніка ў 18-30 да сябра Беларускай сацыял-дэмакратычнай партыі (Грамады) Станіслава Кавалеўскага завітаў старшы лейтэнант УУС Бабруйскага гарвыканкама Мікалай Блажэнаў.

Міліцыянер уручыў партыйнаму актывісту папярэджанне аб недапушчэнні ўдзелу ў несанкцыянаваных мітынгах, шэсцях і пікетаваннях, а таксама аб недапушчэнні распаўсюду літаратуры без выходных дадзеных.

“Старшы лейтэнант адмовіўся ад тлумачэнняў па сутнасці зададзеных яму пытанняў, якія ўзніклі ў мяне пры азнаямленні з гэтым папярэджаннем”, - гаворыць Станіслаў Кавалеўскі.

“На мой погляд, з'яўленне міліцыянера ў суботні вечар звязана з маёй грамадзянскай пазіцыяй і грамадскай дзейнасцю, - адзначае актывіст партыі.

Падпісаць афіцыйнае папярэджанне Станіслаў Кавалеўскі адмовіўся.

Источник: Белорусская социал-демократическая партия (Грамада)

  Обсудить новость на Форуме