20:30 25.03.2011 | Все новости раздела "Белорусская социал-демократическая партия (Грамада)"

У БРЭСЦЕ РАЗДАЛІ БОЛЬШ ЗА 50 КНІГ У.НЯКЛЯЕВА

Больш за 50 кніг пад загалоўкам «Кон» Уладзіміра Някляева актывісты яго выбарчага штаба раздалі жыхарам Брэста. Акцыя, прысвечаная Дню Волі, прайшла на адной з цэнтральных вуліц горада – Савецкай.

Як адзначае актывіст выбарчага штаба Уладзіміра Някляева Ігар Маслоўскі,, Дзень Волі супадае з днём салідарнасці:

– Сённяшні Дзень Волі супадае з днём салідарнасці, таму мы выбралі менавіта такі фармат – мы ўручалі жыхарам горада кнігі Уладзіміра Някляева, які цяпер знаходзіцца пад хатнім арыштам, а таксама віншавалі ад сябе і ад ягонага імя – са святам, з Днём Волі, з днём салідарнасці.

Па словах Уладзіміра Вуека, акцыя прайшла без перашкод, брэстчане ўспрынялі яе станоўча:

– У пераважнай большасці людзі ўспрымалі нашу акцыю вельмі радасна. Некаторыя дзякавалі і казалі, што яны знаёмыя з творчасцю Уладзіміра Някляева, цікавіліся яго лёсам. Мы віталі іх з 25-м  Сакавіка – з Днём Волі.

Акцыя была праведзена ў рамках кампаніі «Салідарнасць».
Паводле

Источник: Белорусская социал-демократическая партия (Грамада)

  Обсудить новость на Форуме