08:32 14.04.2010 | Все новости раздела "Белорусская социал-демократическая партия (Грамада)"

У БЕРАСТАВІЦЫ СВАЕ ПАРАДКІ

Як толькі пачалася агітацыйная кампанія па выбарах у мясцовыя саветы, выявілася, што бераставіцкая ўлада не гатовая да гэтага этапу выбарчага працэсу.

Гэта вам не сталіца, дзе ля жэсаў і магазінаў панастаўлялі адмысловых шчытоў, на якіх вывешваюць інфармацыйныя матэрыялы пра кандыдатаў у дэпутаты.

Як паведамляе кандыдат у дэпутаты Гродзенскага абласнога савета Алег Рамашкевіч (БСДП), адзінае, чым можа дапамагчы кандыдатам у дэпутаты Бераставіцкі райвыканкам, – гэта інфармацыйныя шчыты “агульнага карыстання”. Але яны скрозь завешаныя камерцыйнымі і канцэртнымі аб'явамі, да тагож выглядаюць, як вісячыя сметнікі.

Кандыдатам у дэпутаты катэгарычна забаронена вешаць улёткі на асвятляльных слупах. Зроблена гэта ў мэтах быццам і добрых, але слупы ўсё роўна скрозь завешаныя тымі ж камерцыйнымі і канцэртнымі аб'явамі.

Атрымоўваецца, што ў забароненых месцах можна чапляць усё, акрамя улётак кандыдатаў.

Застаюцца толькі шчыты ля пад’ездаў  шматпавярховых жылых дамоў, на якіх свае аб’явы вывешваюць камунальныя службы. Хоць вывешванне улётак кандыдатаў у дэпутаты на гэтых шчытах не забаронена рашэннем райвыканкама, міліцыя “сочыць за парадкам” і спрабуе пазбавіць кандыдатаў апошняга шанцу вывесіць агітацыйныя матэрыялы. 

Источник: Белорусская социал-демократическая партия (Грамада)

  Обсудить новость на Форуме