17:31 02.03.2011 | Все новости раздела "Белорусская социал-демократическая партия (Грамада)"

НА БРЭСТЧЫНЕ ЎЗНІКАЕ НОВАЯ КААЛІЦЫЯ

Падчас працы Брэсцкага абласнога форуму дэмакратычных сілаў была падпісана дамова аб стварэнні Кааліцыі грамадска-палітычных арганізацый Брэсцкай вобласці.

У склад новастворанай кааліцыі увайшлі: аргкамітэты Беларускай хрысціянскай дэмакратыі, Беларускай сацыял-дэмакратычнай партыі «Народная Грамада», Беларускай рэспубліканскай партыі, руху «Абаронцы айчыны», арганізацыі «Перспектыва», Малады фронт і «Маладая Беларусь».

Прадстаўнік прадпрымальніцкай рэспубліканскай грамадскай арганізацыі «Перспектыва», Віктар Чайкоўскі, паведаміў, што кааліцыя будзе працаваць на правядзенне ў краіне свабодных выбараў:

– Каб новая сіла фактычна запрацавала – каб яна працавала і нешта ўрэшце змянілася ў грамадска-палітычным жыцці краіны. Перад усім хочацца таго, да чаго імкнуліся многія кандыдата, якія казалі «Патрэбныя свабодныя выбары».

Ігар Маслоўскі, першы намеснік старшыні Беларускай сацыял-дэмакратычнай партыі (Грамады) адзначыў, што кааліцыя мусіць сябе праявіць і толькі тады магчыма будзе яе успрымаць за грамадска-палітычны блок:

– На мой погляд, гэта не кааліцыя, бо любая кааліцыя правяраецца па сваіх дзеяннях. Мы ўбачым у бліжэйшы час або ў больш доўгі тэрмін, якія дзеянні будуць з боку людзей, якія аб’явілі сябе пэўнай кааліцыяй. На жаль, кааліцыі так не ствараюцца...

Пасля абвяшчэння на форуме аб стварэнні кааліцыі палітычных структур Брэстчыны ўзніклі спрэчкі і дыскусіі. Падпісанты дамовы прапанавалі іншым палітычным партыям і арганізацыям дэмакратычнага руху далучыцца да новай кааліцыі.

Зміцер Кісель, , Брэст

Источник: Белорусская социал-демократическая партия (Грамада)

  Обсудить новость на Форуме