16:00 19.04.2012 | Все новости раздела "Белорусская социал-демократическая партия (Грамада)"

Маладыя палітыкі аб’ядналіся супраць выбараў

Моладзь шэрагу партыяў і рухаў выпрацавала адзіную плятформу дзеяньняў у кампаніі байкоту парлямэнцкіх выбараў у Беларусі «Ігнор-2012».

У кааліцыю ўвайшлі «Малады фронт», «Рэвалюцыя праз сацыяльную сетку», моладзь «Эўрапейскай Беларусі», партыі «Беларуская хрысьціянская дэмакратыя», «Маладыя сацыял-дэмакраты — Маладая грамада», «Маладыя дэмакраты» — моладзевае крыло АГП і «Зьмена» — моладзь руху «Гавары праўду».

Маладыя палітыкі заяўляюць, што агульная ідэя аб’яднаньня — байкатаваць парлямэнцкія выбары праз вулічныя акцыі, інфармацыйную кампанію, звароты да міжнароднай супольнасьці, у тым ліку — пра адмену чэмпіянату сьвету па хакеі. Яны заяўляюць, што нельга правесьці справядлівыя выбары, пакуль ня будуць вызваленыя ўсе палітычныя вязьні, а таксама рэабілітаваныя тыя, хто выйшаў на свабоду.

Моладзевая кааліцыя таксама спадзяецца, што іх аб’яднаньне дасьць прыклад супольнай працы палітыкам старэйшага пакаленьня.
  

Источник: Белорусская социал-демократическая партия (Грамада)

  Обсудить новость на Форуме