22:30 10.11.2010 | Все новости раздела "Белорусская социал-демократическая партия (Грамада)"

КАБ АБАРАНЯЦЬ ПРАВЫ ПРАЦОЎНЫХ

Беларуская сацыял-дэмакратычная партыя (Грамада) мае намер абнаўляць і ўмацоўваць працу з прафсаюзамі Беларусі і прадстаўнікамі прафсаюзнага руху. На думку сябраў арганізацыі за апошнія гады дзейнасць у гэтым накірунку скацілася да мінімума.

Прадстаўнік камісіі Беларускай сацыял-дэмакратычнай партыі "Грамада" па працы з прафсаюзамі і прафсаюзнымі актывістамі Валянцін Лазарэнкаў падкрэсліў, што некаторыя варыянты напрацаваныя:

- Я адказваю за прафсаюзную камісію і лічу, што вось праца з прафсаюзамі ў нашай партыі вельмі слабая, калі не казаць больш моцна і ёсць сёння разуменне, ёсць сёння дамоўленасці з левымі партыямі і ў тым ліку з нашай партыяй, з сябрамі аб пэўных захадах у гэтых варунках, бо калі эканамічная сітуацыя будзе складанай у Беларусі, то тут нумар адзін - праца партыі па абароне, як у нас запісана ў праграме, наёмных працаўнікоў.  

На думку Валянціна Лазарэнкава, палітычныя партыі згубілі ў свой час напрацаваную сістэму сумеснай працы з прафсаюзамі і цяпер гэта адыгрывае ў нечым адмоўную ролю.
Зміцер Кісель,

Источник: Белорусская социал-демократическая партия (Грамада)

  Обсудить новость на Форуме