14:30 17.06.2010 | Все новости раздела "Белорусская социал-демократическая партия (Грамада)"

Гараджане не вытрымліваюць барацьбы з чыноўнікамі

Больш як за паўгода цягнецца цеснае супрацоўніцтва паміж дэмакратычнымі актывістамі і жыхарамі Брэста ў сферы паляпшэння сацыяльнага стану горада.

За гэты час актывісты падвялі сваю статыстыку, якая сведчыць аб тым, што, на жаль, многія гараджане не вытрымліваюць барацьбы з чыноўнікамі за свае правы.

Старшыня гарадской арганізацыі Беларускай сацыял-дэмакратычнай партыі (Грамады)” Ганна Канюсса свайго асабістага досведу ведае, што большасць людзей праз некалькі месяцаў змагання з чыноўнікамі і створанаю імі сістэмаю проста адмаўляюцца ад сваіх прэтэнзій:

– У выніку мнагамесячнай барацьбы з уладамі людзі губляюць веру ў тое, што нешта можа змяніцца. І гэта даволі часта сустракаецца. Мы спрабуем сваім прыкладам альбо прыкладам добрых спраў, якіх мы дасягнулі, неяк вярнуць веру ў людзей, у тое, што яны нешта могуць рабіць. У тое, што яны могуць вырашыць гэтыя пытанні, толькі яны могуць ініцыяваць гэтыя пытанні і толькі яны могуць пракантраляваць рашэнні гэтых пытанняў. Канешне, неабходна юрыдычная і прававая дапамога насельніцтву, таксама неабходна, каб СМІ больш актыўна паказвалі прыклад гэтых добрых спраў – таго, што змаглі дасягнуць выніку.

Актывісты адзначаюць, што людзі ўжо не маюць ранейшага страху, але пры гэтым большая палова спрабуе свае праблемы проста перакласці на галовы іншых.

Источник: Белорусская социал-демократическая партия (Грамада)

  Обсудить новость на Форуме