04:46 13.05.2013 | Все новости раздела "Белорусская социал-демократическая партия (Грамада)"

“Гістарычная тэматыка — невычарпальная...”

“Гістарычная  тэматыка — невычарпальная...”. Сведчаннем гэтаму стала яшчэ адна сустрэча ў  Верхнядзвінску, якая адбылася дзякуючы намаганням работнікаў бібліятэчнай сістэмы раёна,  і самы актыўны ўдзел у якой прымалі мясцовыя грамадскія актывісты.

Расказвае Валянціна  Болбат, кіраўнічка Віцебскай абласной арганізацыі БСДП (Грамады):

--Зазначу, што гэта  імпрэза з  удзелам расійскага  гісторыка  Аляксандра Чароміна, не адзінае мерапрыемства, якое  ладзілася супольнымі высілкамі.  Можна казаць, што апошні год  стаў плённым менавіта ў накіраванасці на супольную працу раённай бібліятэкі і   грамадскіх арганізацый , асабліва па тых тэмах , якія вызначаюць , у значнай ступені, накірунак працы ўстаноў культуры і інтарэс грамадзян. А мяркуючы па тым, якую колькасць цікаўных людзей збіраюць такія імпрэзы, можна казаць пра тое, што гістарычная тэматыка настолькі невычарпальная, наколькі  мы, беларусы, будзем прагнуць ведаць пра наша мінулае.

А  распавядаў  А.Чаромін  не пра падзеі расійскай гісторыі, а пра наша роднае, беларускае — пра падзеі X-XІVст.ст. у Тураўскім  княстве, якія знайшлі адлюстраванне на старонках  выдадзенай ім кнігі з аднайменнай назвай. Чытачы знойдуць у ёй апісанне падзей далёкай мінуўшчыны, на якія аўтар знайшоў дакументальныя спасылкі нават у бібліятэцы Ватыкана, куда маюць доступ далёка не ўсе гісторыкі. На чарзе — гісторыя Полацкага княства і,  па словах аўтара, чарговыя сустрэчы ў Верхнядзвінску.”

Источник: Белорусская социал-демократическая партия (Грамада)

  Обсудить новость на Форуме