14:16 03.07.2022 | Все новости раздела "Белорусская социал-демократическая партия (Грамада)"

ЦІ ЗАСТАНЕЦЦА ЎКРАІНА КАНДЫДАТАМ У ЕЎРАПЕЙСКІ САЮЗ?

Каб пераканацца, што за Зяленскім Украіна не шчыравала у еўрапейскім напрамку, дастаткова набраць у пошукавіку словы “ВступУкраїни до Європейського Союзу». Там вы ўбачыце храналагічную таблічку. На час прэзідэнцтва Зяленскага ў той табліцы прыпадае (да 28 лютага г. г.) толькі адзін радок. Успомніць пра еўрапейскі выбар краіны, заварушыцца Зяленскага і яго каманду змусіла сваёй “спецаперацыяй” Расія. Як сказаў бы прэзідэнт Франклін Дэлано Рузвельт, Масква падклала жару пад сраку.

Амаль у такім становішчы цяпер знаходзіцца Ўкраіна. Што ад яе вельмі патрабуецца, дык гэта навесці добрапрыстойны парадак у сваім доме.

Рэформа Канстытуцыйнага суда — гэта першае патрабаванне да Ўкраіны як да кандыдата ў сябры ЕС.

— завяршыць судовую рэформу.

Апрача таго, ва Ўкраіне маецца Найвышэйшая кваліфікацыйная камісія суддзяў Украіны, у чыю кампетэнцыю ўваходзяць выбар кандыдатаў у суддзі, правядзенне іх кваліфікацыйных іспытаў ды інш.

Нацыянальнае антыкарупцыйнае агенцтва Ўкраіны (НАБУ) выяўляе факты карупцыі і вядзе следства.

Кіраўнік пракуратуры ўжо выбраны. Гэта Аляксандр Кліменка, дэтэктыў НАБУ, які выйграў конкурс і якому на перашкодзе стаіць Алег Татараў, намеснік кіраўніка офісу прэзідэнта Ўкраіны (ага, намеснік таго самага Андрэя Ермака, якога падазраюць у дзяржаўнай здрадзе). Ну, а Татараву лепш было б з’явіцца ў НАБУ з павіннай. Так кажуць людзі, якія маюць доказы яго карумпаванасці. Пэўна мае іх і Кліменка, які вёў у НАБУ справу Татарава. І вось гэты Татараў (увага!) курыруе ў офісе Зяленскага праваахоўныя органы і перашкаджае Кліменку заняць пасаду.

Да гэтага патрабавання прымыкае чацвёртае: прывесці ў дзеянне антыкарупцыйны закон. Праект закона маецца, ён знаходзіцца на экспертызе ў Венецыянскай камісіі. З улікам заўваг гэтай шаноўнай установы і трэба прыняць закон.

У ЕС не маглі не заўважыць спробы шчыравальнікаў з Банкавай вуліцы ці то прыкрыць, ці то прыбраць да рук некаторыя радыё- і тэлевяшчальныя каналы. Таму ўкраінскім уладам прад’яўлена шостае патрабаванне — прывесці аўдыявізуальнае заканадаўства краіны ў адпаведнасць з еўрапейскім.

Як вядома, Расія мае ў ЕС свайго агента. Гэта Венгрыя. Нават калі Ўкраіна выканае ўсе патрабаванні Бруселя, Венгрыя можа перагарадзіць ёй дарогу ў Еўрасаюз. Пагатоў яна перагародзіць дарогу, калі Ўкраіна не выканае сёмае патрабаванне.

Каб зняць венгерскія пярэчанні супраць кандыдацтва Ўкраіны, кіраўніцтва ЕС выставіла ёй сёмае патрабаванне — учыніць змяненні ў заканадаўстве пра нацменшасці. Інакш… Вядома ж, Венгрыя з радасцю выкажацца за пазбаўленне Ўкраіны статусу кандыдата ў сябры ЕС.

Источник: Белорусская социал-демократическая партия (Грамада)

  Обсудить новость на Форуме