21:30 13.05.2014 | Все новости раздела "Белорусская социал-демократическая партия (Грамада)"

Берасцейская міліцыя зацікавілася святкаваннем Дня працоўных - 1 траўня

Прадстаўнікі праваахоўных органаў склалі пратакол апытання на старшыню Берасцейскай абласной арганізацыі Беларускай Сацыял-дэмакратычнай партыі (Грамада) Ігара Маслоўскага.

Міліцыя папрасіла тлумачэнні адносна правядзення інфармацыйнай кампаніі і віншавання берасцейцаў, - пра гэта распавёў палітык:

- Я патлумачыў, што мы дзейнічалі ў рамках заканадаўства, у рамках беларускай Канстытуцыі, што мы адзначалі 1-ае Траўня, гэта ў Беларусі дзяржаўнае свята, гэта Міжнародны дзень салідарнасці працоўных у барацьбе за свае правы. А мы распаўсюджвалі віншаванні, што не забаронена заканадаўствам і распаўсюджвалі нашы бюлетэні.

«Мы дзейнічалі ў адпаведнасці з беларускім заканадаўствам і нічога не парушалі, таму такую сітуацыю можна лічыць даволі дзіўнай», - падвёў рысу актывіст.

Беларускае Радыё Рацыя, Берасце

Источник: Белорусская социал-демократическая партия (Грамада)

  Обсудить новость на Форуме