10:45 16.01.2011 | Все новости раздела "Белорусская социал-демократическая партия (Грамада)"

А.ТРУСАЎ: ПАДЗЕІ 19 СНЕЖНЯ СПЛАНАВАЛІ РАСІЙСКІЯ СПЕЦСЛУЖБЫ

Старшыня таварыства беларускай мовы Алег Трусаў перакананы, што падзеі ў Мінску 19 снежня гэта была правакацыя расійскіх спецслужбаў.

Усё гэта было падрыхтавана яшчэ летам, калі стартавала кампанія "Гавары праўду", кажа Алег Трусаў:

– Я не сумняваюся, што за ўсім гэтым стаяць расійскія спецслужбы, стопрацэнтна. Яны не хаваюцца, што хочуць захапіць Беларусь за некалькі гадоў у якасці федэральнай акругі. Цяпер жа хочуць спіхнуць гэтую правакацыю на Польшчу і Нямеччыну, што вось гэта палякі і немцы загадвалі біць шыбы ў Доме ўрада. Мэта вельмі простая – аслабіць Беларусь, разграміць нацыянальныя сілы рукамі ўлады, а потым – забраць краіну.

На думку Алега Трусава, такі сцэнар усё ж не зможа збыцца. Ён лічыць, што Еўропа павінна разумець, што імперскія памкненні Расіі могуць пагражаць і Еўропе, такім чынам змаганне за Беларусь павінна быць не толькі ў інтарэсе саміх грамадзянаў Беларусі, але і Еўропы.

Валянціна Лаеўская, .

Источник: Белорусская социал-демократическая партия (Грамада)

  Обсудить новость на Форуме